कुखुरा पाल्नेले नै पाउनु पर्ने होईन र क्षतिपुर्ती ?
नेपालकै ठुला सहर काठमाण्डौ भक्तपुर मा त कुखुरा पाल्ने किसानहरुको यो हबिगत छ भने गाउमा कुखुरा पाल्नेहरुको के हाल भयो होला ? त्यो त कसैलाई भनिरहन नपर्ला । कसैले स्थानिय अनाज हाल्ने, कसैले हरियो सब्जी दिने ब्यार्थको प्रायसको बाबजुद पनि लामो लकडाउन ले गर्दा देशै भरिका सबै किसानहरुको कुखुरा खाडलमै पुरियो । सोझा साझा किसानलाई लकडाउनले गर्दा पास नभएर दाना कुखुरा को ब्याबस्थापन गर्न सकिएन भनियो तर त्यही मौका छोपेर दाना ब्याबसायी हरुले ईन्डिया बाट दानाको कच्चा पदर्थ र अण्डा भित्र्याई रहेका छन ।
सरकारले नै कुखुरा तथा दाना ढुवानिमा लकडाउनले कुनै असर नपर्ने लिखित सुचना नै निकाले पनि यि दाना ब्याबसायी र डिलरले किसान लाई दाना दिएनन नत कुखुरानै उठाए । किनकी किसान लाई डुबाएर क्षतिपुर्ती चाही यिनिहरु आफु कुम्ल्याउने दाउमा थिए । त्यसैले यो दाना ब्याबसायी र ह्याचरी सङ्घ मिली सरकार सङ्ग क्षतिपुर्तिको माग गरी सके । यो सरकार पनि त्यही बिचौलिया र दलालले टिकाएको सरकार भएकोले यो लकडाउनले गर्दा भएको किसानको क्षतिपुर्ती दाना र चल्ला ह्याचरिलाई दिने छाटकाट देखाउदै छ । त्यसैले कुखुरा पालक किसान सङ्घ सबै मिलेर बेलामानै सरकारको ध्यानाकर्षण गर्न नसके यो किसानको क्षतिपुर्ती पनि दलाल हरुलेनै कुम्ल्याउने पक्का छ । त्यसैले सबै किसानहरु पनि एकजुटा भई आवाज उठाऔ । कुखुरा पालाक किसानको कुखुरा क्षती हुँदा क्षतिपुर्ती पनि किसानले नै पाउनु पर्ने होईन र ?
